ផ្នែកវះកាត់របស់មន្ទីរពេទ្យនឹងដំណើរការដើមឆ្នាំ ២០២៥ខាងមុខនេះ ដោយក្រុមគ្រូពេទ្យជំនាញដែលបានទទួលបានការបណ្តុះបណ្តាលនៅមន្ទីរពេទ្យកា់ម៉ែត្រ និង​មន្ទីរពេទ្យមិត្តភាពកម្ពុជា-ចិនព្រះកុសម:។

តាំងពីឆ្នាំ២០១៥រហូតដល់បច្ចុប្បន្ននេះមន្ទីរពេទ្យបានសហការជាមួយអង្គការបេះដូងជប៉ុន បានសង់អគារវះកាត់របស់អង្គការផ្ទាល់ ហើយចាប់ដំណើរការនៅឆ្នាំ២០១៦រហូតមកដល់ពេលបច្ចុប្បន្ន។ រាល់ការវះកាត់ម្តងៗមានបុគ្គលិកមន្ទីរពេទ្យម្នាក់ធ្វើជាអ្នកជំនួយការ។រាល់ការវះកាត់ការព្យាបាលមហារីក កុមារ និងការសង្គ្រោះបន្ទាន់មួយចំនួនមិនត្រូវបានបង់ថ្លៃ។

បច្ចុប្បន្នផ្នែកវះកាត់របស់មន្ទីរពេទ្យកំពុងរៀបចំដំណើរការដោយខ្លួនឯង យើងបានបង្កើត បន្ទប់អ្នកជំងឺរង់ចាំវះកាត់ បន្ទប់វះកាត់ និងបន្ទប់អ្នកជំងឺក្រោយវះកាត់ ដោយដាក់សម្ភារ:បានមួយចំនួនធំ។ ទន្ទឹមគ្នានេះដែរយើងបានបញ្ជូនបុគ្គលិកទៅបណ្តុះបណ្តាលថ្នាក់ជាតិ រួមមាន: ផ្នែកសម្ភព និងរោគស្ត្រី មាន វេជ្ជបណ្ឌិតឯកទេស ២នាក់ (ម្នាក់បានបញ្ចប់, ម្នាក់ទៀតនៅ១ឆ្នាំទៀត), វេជ្ជបណ្ឌិតទៅបណ្តុះបណ្តាល ផ្នែកវះកាត់សម្ភព និងរោគស្ត្រី ១នាក់ និងផ្នែកដាក់ថ្នាំសណ្តំ ១នាក់នៅមន្ទីរពេទ្យកា់ម៉ែត្ររយះពេល១ឆ្នាំ។ ចំណែកនៅមន្ទីរពេទ្យមិត្តភាពកម្ពុជា-ចិនព្រះកុសម:វិញ មានវេជ្ជបណ្ឌិត ១នាក់ទៅបណ្តុះបណ្តាល វះកាត់ទូទៅ និងឆ្មបមធ្យមម្នាក់ផ្នែកដាក់ថ្នាំសណ្តំរយៈពេល១ឆ្នាំ។ ពិសេសទៅទៀតយើងបាន បញ្ជូនគិលានុបដ្ឋាកមធ្យម១នាក់ និងបរិញ្ញបត្រឆ្មប១នាក់ បណ្តុះបណ្តាលផ្នែករៀបចំសម្ភារ: និងបរិក្ខារសម្រាប់វះកាត់នៅមជ្ឍមណ្ឌលព្យាបាលកុមារបេះដូងជប៉ុនតែម្តង និងបញ្ជូនទៅ២នាក់ ផ្សេងទៀត។